Լուրեր

13.04.2018 • Ժնևում բացվեց Հայոց ցեղասպանության զոհերի հիշատակին նվիրված հուշակոթող

Ապրիլի 13-ին Ժնևի Թրամբլե զբոսայգում (Parc Trembley) Շվեյցարիայում ՀՀ դեսպան Շառլ Ազնավուրի մասնակցությամբ բացվեց Հայոց ցեղասպանության զոհերի հիշատակը հավերժացնող «Հիշատակի Լապտերներ» հուշահամալիրը:

10.04.2018 • Ընդունելություն Ժնևում Ֆրանսիայի մշտական ներկայացուցչությունում

Ապրիլի 10-ին Ժնևում ՄԱԿ գրասենյակում Ֆրանսիայի մշտական ներկայացուցիչ, դեսպան Էլիզաբեթ Լորենի կողմից տրվեց հրաժեշտի ընդունելություն`ՄԱԿ-ի գրասենյակում ՀՀ մշտական ներկայացուցչի տեղակալ, դեսպանորդ Հասմիկ Տոլմաջյանի՝ Ժնևում դիվանագիտական գործունեությունն ավարտելու կապակցությամբ։

23.03.2018 • ՄԱԿ-ի Մարդու իրավունքների խորհուրդը կոնսենսուսով ընդունեց Հայաստանի ներկայացրած Ցեղասպանության կանխարգելման բանաձևը

Մարտի 23-ին Ժնևում ՄԱԿ-ի Մարդու իրավունքների խորհրդի 37-րդ նստաշրջանում կոնսենսուսով ընդունվեց Հայաստանի նախաձեռնած` Ցեղասպանության կանխարգելման վերաբերյալ բանաձևը («Prevention of genocide»): Հայաստանին միացան և բանաձևը համահեղինակեցին շուրջ վեց տասնյակ պետություններ, որոնք ներկայացնում են Մարդու իրավունքների խորհրդի տարածաշրջանային բոլոր խմբերը: Բանաձևը համահեղինակելու համար բաց կմնա ևս երկու շաբաթ:

13.03.2018 • Ֆրանկոֆոն մեծ համերգ Ժնևում` նվիրված Ֆրանկոֆոնիայի 17-րդ գագաթնաժողովը հյուրընկալող Հայաստանին

Մարտի 13-ին Ժնևում` Միավորված ազգերի կազմակերպության կենտրոնակայանի Ազգերի պալատի գլխավոր հանդիսասրահում, տեղի ունեցավ Ֆրանկոֆոնիայի 17-րդ գագաթաժողովը հյուրընկալող Հայաստանին նվիրված մեծ համերգ:

16.01.2018 • Շվեյցարիայի Համադաշնության Ազգային խորհրդի նախագահ Դոմինիկ դը Բումանի պատվին կազմակերպված հանդիսություն Ժնևում

Հունվարի 16-ին Ժնևի հայտնի «Շատո դը Պանտ» (Chateau de Penthes) թանգարանում ՀՀ դեսպանության կողմից տրվեց ընդունելություն՝ ի պատիվ Շվեյցարիայի Համադաշնության Ազգային խորհրդի նորընտիր նախագահ Դոմինիկ դը Բումանի։ Ընդունելությանը ներկա էր Շվեյցարիայի նախկին նախագահ տիկին Միշլին Կալմի-Ռեյը, ինչպես նաև Շվեյցարիայի օրենսդիր, գործադիր և տեղական իշխանությունների, Ժնևի հայ համայնքի ներկայացուցիչներ։ Հանդիսությանը ողջույնի խոսքով հանդես եկան Շվեյցարիայում ՀՀ դեսպանորդ Հասմիկ Տոլմաջյանը, Ժնևի քաղաքային խորհրդի ներկայացուցիչ Գիյոմ Բարազոնեն, Ժնև...

24.11.2017 • ՄԱԿ-ին Հայաստանի անդամակցության և Հայաստանի ու Շվեյցարիայի միջև դիվանագիտական հարաբերությունների հաստատման 25-ամյակին նվիրված հանդիսություն Ժնևում

Նոյեմբերի 24-ին Ժնևի «Վիկտորիա հոլ» սրահում աշխարհահռչակ երաժիշտ Սերգեյ Խաչատրյանի մասնակցությամբ տեղի ունեցավ համերգ՝ նվիրված Միավորված ազգերի կազմակերպությանը Հայաստանի Հանրապետության անդամակցության, ինչպես նաև Հայաստանի և Շվեյցարիայի միջև դիվանագիտական հարաբերությունների հաստատման 25-ամյա հոբելյաններին։

07.10.2017 • Հայաստանը մասնակցեց Ժնևում ՄԱԿ գրասենյակի բաց դռների օրվան

Հոկտեմբերի 7-ին, Ժնևում, Միավորված ազգերի կազմակերպության գրասենյակի բաց դռների օրվա շրջանակներում, Ազգերի պալատի գլխավոր հանդիսասրահում Հայաստանը ներկայացավ ազգային դասական երաժշտության և պարային կատարումների հարուստ ծրագրով։ Ավանդաբար, ՄԱԿ Ժնևյան գրասենյակի ամենամյա բաց դռների օրվա ընթացքում, Ազգերի պալատը հյուրանկալում է ավելի քանի 30 հազար այցելուներ։

03.09.2017 • Կոմիտաս Շվեյցարիա – Հայաստան բարեգործական կազմակերպության 20-ամյակին նվիրված միջոցառում Ժնևում

Սեպտեմբերի 3-ին Ժնևի հայկական կենտրոնում տեղի ունեցավ «Կոմիտաս Շվեյցարիա – Հայաստան» (KASA - Komitas Action Suisse-Arménie) բարեգործական միության գործունեության 20-ամյակին նվիրված հանդիսավոր միջոցառում, որի շրջանակներում ողջույնի խոսքով հանդես եկավ Շվեյցարիայի Համադաշնությունում ՀՀ դեսպանորդ Հասմիկ Տոլմաջյանը, ով երախտագիտություն հայտնեց ԿԱԶԱ-ի նախագահ Մոնիկ Բոնդոլֆի-Մասրաֆին և Դարիո Բոնդոլֆիին` Հայաստանում ծավալած մարդասիրական երկարամյա գործունեության համար։

13.05.2017 • «Արիստոտելը Հայաստանում» խորագրով գիտաժողով Ժնևի համալսարանում

Մայիսի 12-13-ը Ժնևի համալսարանում տեղի ունեցավ «Արիստոտելը Հայաստանում» խորագրով միջազգային գիտաժողով, որին մասնակցում էին գիտաշխատողներ ինչպես Մատենադարանից, այնպես էլ աշխարհի տարբեր երկրների, այդ թվում՝ Հունաստանի, Ֆրանսիայի, Գերմանիայի, Իտալիայի, Կանադայի, Միացյալ Թագավորության, ԱՄՆ-ի համալսարաններից և գիտական կենտրոններից։ Գիտաժողովը նվիրված էր Արիստոտելի երկերի՝ հայկական վաղ միջնադարյան ուսումնասիրություններին և մեկնաբանություններին:

30.04.2017 • Հայաստանի և Շվեյցարիայի միջև դիվանագիտական հարաբերությունների հաստատման 25-ամյակ

Արտաքին գործերի նախարար Էդվարդ Նալբանդյանը և դաշնային խորհրդական, արտաքին գործերի դաշնային դեպարտամենտի ղեկավար Դիդիե Բուրկհալտերը ուղերձներ փոխանակեցին Հայաստանի Հանրապետության և Շվեյցարիայի Համադաշնության միջև դիվանագիտական հարաբերությունների հաստատման 25-ամյակի կապակցությամբ:

ՀՀ ԱԳՆ
պաշտոնական կայք
Երկքաղաքացիություն Էլեկտրոնային
վիզա
Արտոնագրի
ձևեր