Ժնևում ՀՀ Մշտական ներկայացուցչությունը մշակութային միջոցառում է կազմակերպել Ասիական դեսպանների կանանց ընկերակցության մասնակցությամբ

26 ապրիլի, 2024

Ապրիլի 26-ին Ժնևում Հայաստանի Մշտական ներկայացուցչությունը հյուրընկալել էր Ասիական դեսպանների կանանց ընկերակցության մի խումբ ներկայացուցիչների։ Միջոցառման շրջանակներում Ժնևի ՄԱԿ գրասենյակում և այլ միջազգային կազմակերպություններում հավատարմագրված դեսպանների կանանց ներկայացվեց Հայաստանի պատմությունը, մշակույթը, արվեստն ու ճարտարապետությունը, սովորույթները։ Ներկաները հնարավորություն ունեցան ծանոթանալու հայկական երգավեստին և պոեզիային։ Ժնևի «Անուշ» ռեստորանի շեֆ-խոհարարը ներկայացրեց հայկական խոհանոցը, հիմնական ճաշատեսակներն ու դրանց բաղադրությունները։ Ապա, ներկաներին մատուցվեցին հայկական խոհանոցի ու ընմպելիքների նմուշներ։ Իր աշխատանքները ներկայացրեց նաև Ժնևում հայտնի L'Atelier de la Cire սրահը, որը մասնագիտացած է մոմերի և օծանելիքի ասպարեզում։ Ժնևում ՀՀ մշատական ներկայացուցչի կինը 2023-2024թթ.-ին զբաղեցնում է Ասիական դեսպանների կանանց ընկերակցության փոխնախագահի պաշտոնը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր