Դեսպան Անդրանիկ Հովհաննիսյանի հանդիպումը Համաշխարհային փոստային միության (ՀՓՄ) գլխավոր տնօրեն Բիշար Հուսեյնի հետ

31 մարտի, 2021

Այսօր ՀՀ դեսպան Անդրանիկ Հովհաննիսյանը Բեռնում հանդիպում ունեցավ Համաշխարհային փոստային միության (ՀՓՄ) գլխավոր տնօրեն Բիշար Հուսեյնի հետ։

Զրուցակիցները գոհունակություն արտահայտեցին ՀՓՄ շրջանակներում Հայաստանի արդյունավետ համագործակցության վերաբերյալ և շեշտեցին այն հետագայում առավել խորացնելու պատրաստակամությունը։

Դեսպան Ա․ Հովհաննիսյանն ներկայացրեց ԿՈՎԻԴ-19 համավարակի դեմ պայքարի քողի ներքո Ադրբեջանի կողմից թողարկված հակահայկական ռասիստական նամականիշը և շեշտեց, որ այն հակասում է Միության Կոնվենցիայի համապատասխան դրույթներին և Վարքի կանոններին։ Ա.Հովհաննիսյանը հակիրճ անդրադարձ կատարեց Լեռնային Ղարաբաղի պատերազմին, դրա հետևանքներին ու Ադրբեջանի կողմից իրականացված մարդու իրավունքների ու միջազգային մարդասիրական իրավունքի կոպիտ խախտումներին։ Նա այս առումով շեշտադրեց ատելության քարոզը, այլատյացությունը ու ռասիստական քաղաքականությունը՝ որպես դրանց մեկ վառ օրինակ բերելով խնդրո առարկա նամականիշը։

Զրուցակիցները պայմանավորվեցին շարունակել երկխոսությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր