ՀՀ դեսպան Շառլ Ազնավուրը հանձնեց ՀՀ գերատեսչական պատվոգրերը

10 հունվարի, 2012

2012թ. հունվարի 10-ին, Հայաստանի Հանրապետության անկախության 20-ամյա հոբելյանի կապակցությամբ Շվեյցարիայում ՀՀ դեսպանաթյունում կայացավ շվեյցարահայ համայնքի ներկայացուցիչներին եւ հայկական կազմակերպություններին շնորհված գերատեսչական պատվոգրերի հանձնման հանդիսավոր արարողությունը:

Շվեյցարիայում ՀՀ արտակարգ և լիզոր դեսպան Շառլ Ազնավուրը հանձնեց ՀՀ մշակույթի նախարարության պատվոգրերը “Թոփալյան” հիմնադրամին, հանրահայտ դիրիժոր Լյուկ Բաղդասարյանին, կոմպոզիտոր Սիրվարդ Ղազանչյանին, պոետ, հայագետ Վահե Գոդելին: ՀՀ կրթության և գիտության նախարարության պատվոգրերը հանձնվեցին “Թոփալյան “դպրոցի տնօրեն Նեվրիկ Ազադյանին, Ժնևի համալսարանի հայագիտական հետազոտությունների կենտրոնի տնօրեն Վալենտինա Կալզոլարի-Բուվյեին, “Թոփալայն“ դպրոցի ուսուցիչ Մեդա Խաչատրյանին:

ՀՀ դեսպանը շնորհակալություն հայտնեց հայ համայնքի անհատ ներկայացուցիչներին եւ կառույցներին հայ մշակույթի զարգացման, հայակերտման գործում ունեցած ավանդի և հայանպաստ անձնվեր գործունեության համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր