Ժնևի ՄԱԿ-ի գրասենյակում և այլ միջազգային կազմակերպություններում ՀՀ մշտական ներկայացուցիչ, դեսպան Հասմիկ Տոլմաջյանը հանդիպում է ունեցել Անվտանգության քաղաքականության Ժնևի կենտրոնի գործադիր տնօրեն, դեսպան Թոմաս Գրեմինգերի

01 ապրիլի, 2025

Ժնևի ՄԱԿ-ի գրասենյակում և այլ միջազգային կազմակերպություններում ՀՀ մշտական ներկայացուցիչ, դեսպան Հասմիկ Տոլմաջյանը հանդիպում է ունեցել Անվտանգության քաղաքականության Ժնևի կենտրոնի (GCSP) գործադիր տնօրեն, դեսպան Թոմաս Գրեմինգերի հետ՝ քննարկելու միջազգային և տարածաշրջանային անվտանգության և խաղաղության ամրապնդման բնագավառում համագործակցության հետ կապված հարցերը:

Հանդիպման ընթացքում կողմերն ընդգծել են երկխոսության և կառուցողական համագործակցության խթանման կարևորությունը՝ գլոբալ անվտանգության մարտահրավերներին դիմակայելու գործում։ Դեսպան Գրեմինգերը տեղեկություններ է տրամադրել GCSP նախաձեռնությունների մասին, մասնավորապես՝ երկրորդ ուղու դիվանագիտության (Track 2 diplomacy) շրջանակներում՝ ուղղված գլոբալ անվտանգության խթանմանը։ Հայաստանի դեսպանն ընդգծել է Հայաստանի հանձնառությունը և գործադրվող ջանքերը՝ նպաստելու տարածաշրջանում անվտանգության ամրապնդմանն ու խաղաղության հաստատմանը, ներկայացրել է Հարավային Կովկասում վերջին զարգացումները։ Դեսպան Գրեմինգերը բարձր է գնահատել տարածաշրջանում խաղաղության հաստատման ուղղությամբ Հայաստանի ներդրումը։

Հանդիպմանը քննարկվել են նաև համատեղ ծրագրերի իրականացման հնարավորությունները, որոնք համահունչ են GCSP առաքելությանն ու մանդատին։ Հանդիպմանն ընդգծվել է երկու կողմերի ընդհանուր տեսլականը՝ ճգնաժամում գտնվող բազմակողմանիության ամրապնդման և անվտանգության կայուն համակարգերի ստեղծման հարցում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր