Մամուլի հաղորդագրություն

29 մարտի, 2025

Մարտի 27-ին Ժնևում ընթացող ՄԱԿ Մարդու իրավունքների խորհրդի 58–րդ նստաշրջանի շրջանակներում Ժնևում ՀՀ Մշտական ներկայացուցչությունը հանդես եկավ համատեղ հայտարարությամբ «Թվային տեխնոլոգիաները և Կանանց ու աղջիկների իրավունքները» խորագրով:

Հայտարարությունը ներկայացվեց ՄԱԿ-ի անդամ 70 երկրների անունից։ Հայաստանի հիշյալ նախաձեռնությանն, իբրև հեղինակների հիմնական խմբի անդամներ միացել էին երկրներ ՄԻԽ տարբեր տարածաշրջանային խմբերից՝ Էստոնիան, Ֆրանսիան, Չիլին, Կոստա- Ռիկան, Ճապոնիան և Քենիան:

Համատեղ հայտարարությունը կոչ է անում ապահովել կանանց ու աղջիկների լիարժեք մասնակցությունը թվային ծառայություններում, Գիտության, Տեխնոլոգիայի, Ճարտարագիտության, Արվեստի ու Մաթեմատիկայի, Արհեստական բանականության ոլորտներում, ինչպես նաև խթանել որոշումների կայացման գործընթացներում նրանց առաջնորդությունը:

Ընդգծվում է միջազգային համագործակցության ամրապնդման կարևորությունը՝ կանանց ու աղջիկների համար տեղեկատվության և թվային ծառայությունների հասանելիության հավասար հնարավորություններ երաշխավորելու նպատակով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր