ՄԱԿ Մարդու իրավունքների խորհրդում «Թվային տեխնոլոգիաները և Կանանց ու աղջիկների իրավունքները» խորագիրը կրող համատեղ հայտարարություն

30 հնս, 2025

Մարտի 27-ին Ժնևում ընթացող ՄԱԿ Մարդու իրավունքների խորհրդի 58–րդ նստաշրջանի շրջանակներում Ժնևում ՀՀ Մշտական ներկայացուցչությունը հանդես է եկել «Թվային տեխնոլոգիաները և Կանանց ու աղջիկների իրավունքները» խորագիրը կրող համատեղ հայտարարությամբ:

Հայտարարությունը ներկայացվել է ՄԱԿ-ի անդամ 70 երկրների անունից։ Հայաստանի հիշյալ նախաձեռնությանը որպես հեղինակների հիմնական խմբի անդամներ միացել էին երկրներ ՄԻԽ տարբեր տարածաշրջանային խմբերից ինչպիսիք են Էստոնիան, Ֆրանսիան, Չիլին, Կոստա Ռիկան, Ճապոնիան և Քենիան:

Այն կոչ է անում ապահովել կանանց ու աղջիկների լիարժեք մասնակցությունը թվային ծառայություններում, գիտության, տեխնոլոգիայի, ճարտարագիտության, արվեստի ու մաթեմատիկայի, արհեստական բանականության ոլորտներում, ինչպես նաև խթանել որոշումների կայացման գործընթացներում նրանց առաջնորդությունը:

Ընդգծվել է միջազգային համագործակցության ամրապնդման կարևորությունը՝ կանանց ու աղջիկների համար տեղեկատվության և թվային ծառայությունների հասանելիության հավասար հնարավորություններ երաշխավորելու նպատակով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր