Ժնևում նշվեց Սուրբ Ներսես Շնորհալու մահվան 850-րդ տարելիցը

20 մայիսի, 2023

Մայիսի 20-ին Ժնևի «Ֆրանկ Մարտինի» սրահում Շվեյցարիայում Հայաստանի դեսպանության հովանավորությամբ նշվեց Սուրբ Ներսես Շնորհալի հայրապետի մահվան 850-րդ տարելիցը։ Միջոցառումն անցկացվեց երաժշտության և հոգևոր արվեստի «Ագապե» միջազգային փառատոնի շրջանակներում։ Երաժշտական երեկոյին հանդես եկավ հայազգի ջութակահարուհի Շուշան Սիրանոսյանը՝ «Վենետիկի բարոկկո խմբի» նվագակցությամբ։

«Ագապե» փառատոնի կազմակերպիչներն իրենց ելույթներում անդրադարձան Հայաստանին ու հայկական մշակույթին։ Համերգի բացման արարողությանը մեկ րոպե լռությամբ հարգանքի տուրք մատուցվեց բոլոր հայ նահատակների հիշատակին։

Միջոցառմանը բացման խոսքով հանդես եկավ Շվեյցարիայում Հայաստանի դեսպան Անդրանիկ Հովհաննիսյանը։ Նա ներկայացրեց Սուրբ Ներսես Շնորհալու աստվածաբանական, գրական ու երաժշտական հարուստ ժառանգությունը, պատմական այն ժամանակաշրջանը, որտեղ նա ապրել ու ստեղծագործել է։ Մասնավորապես նա նշեց, որ Սուրբ Ներսես Շնորհալու շարականները շարունակում են հնչել հայկական եկեղեցիներում, ինչպես հարյուրավոր տարիների ընթացքում, այսօր ևս դյութելով ունկնդիրներին ու ամրապնդելով սերունդների կապը հայ մշակույթի ու արվեստի միջոցով։ Անդրանիկ Հովհաննիսյանի ամբողջական ելույթը հասանելի է այս հղումով.

https://switzerland.mfa.am/en/news/2023/05/20/850th-anniversary-of-saint-nerses-shnorhali%E2%80%99s-passing-was-commemorated-in-geneva/11588

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր