Հայկական լեգենդար դուդուկը ներառվել է Ժնևի էթնոգրաֆիայի թանգարանի մշտական ցուցադրությունում

23 մարտի, 2023

Ժնևի էթնոգրաֆիայի թանգարանը (MEG) իր մշտական ցուցադրությունում ներառել է ՅՈՒՆԵՍԿՕ-ի ոչ նյութական ժառանգության ցանկում ընդգրկված հայկական լեգենդար դուդուկը:

2023թ․ մարտի 23-ին թանգարանում տեղի ունեցավ հանդիսավոր արարողություն, որի ժամանակ դեսպան Անդրանիկ Հովհաննիսյանը թարնգարանին հանձնեց դուդուկի մի քանի նմուշ։

Շնորհակալություն հայտնելով թանգարանի տնօրինությանը, նա մասնավորապես ասաց, որ «հայերից ոմանք դուդուկն անվանում են հայկական հոգու արտացոլանք, նրանք պնդում են, որ դուդուկը հերթական երաժշտական գործիք չէ, այլ՝ մի գործիք, որը խոսում է մեզ հետ, խոսում է հայերեն լեզվով»։

Միջոցառման ժամանակ հնչեց դուդուկի երաժշտական կատարում։ Ներկաները ծանոթացան դուդուկի պատմությանն ու հայկական երաժշտական ավանդույթներին:

Միջոցառմանը մասնակցում էին նաև Ժնևի հայ համայնքի ներկայացուցիչները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր