ՄԱԿ Մարդու իրավունքների խորհրդի հատուկ ընթացակարգերի 5 մանդատակիրների հաղորդագրությունն ուղղված Ադրբեջանի կառավարությանը

27 հունվարի, 2023

Հունվարի 27-ին հրապարակվել է ՄԱԿ Մարդու իրավունքների խորհրդի հատուկ ընթացակարգերի 5 մանդատակիրների հաղորդագրությունն ուղղված Ադրբեջանի կառավարությանը՝ 2022թ.-ի սեպտեմբերի 13-ին Ադրբեջանի զինված ուժերի կողմից հայ ռազմագերիներին կտտանքների և այլ դաժան վերաբերմունքի ենթարկելու, հայ ռազմագերիների և քաղաքացիական անձանց ապօրինի սպանությունների, հայ զինվորականների դիերի, ներառյալ՝ կանանց, խեղման ու պղծման, ինչպես նաև պատշաճ բուժօգնություն չստանալու հետևանքով հայ զինվորականների մահվան դեպքերի մասին։

Փաստաթղթում ներկայացվում են վերոնշյալ դեպքերի մանրամասները։ Նշվում է, որ դրանք կարող են պատերազմի հանցագործություններ լինել։

ՄԱԿ մարդու իրավունքների անկախ փորձագետները խորը մտահոգություն են հայտնում ներկայացվող մեղադրանքների վերաբերյալ և Ադրբեջանին կոչ են անում դադարեցնել նման քայլերը, կանխարգելել դրանց կրկնությունը և նշված դեպքերի անաչառ հետաքննություն անցկացնել։

Նրանք նաև հիշեցնում են, որ նախկինում՝ 2020-2021թթ-ին Լեռնային Ղարաբաղում և դրա շուրջ ռազմական գործողությունների վերաբերյալ համանման հարցադրումներով արդեն դիմել են Ադրբեջանին, սակայն մինչ օրս պատասխան չեն ստացել հետաքննությունների արդյունքների մասին։ Պատասխաններ չեն ստացել նաև հրադադարից հետո ռազմագերիների ազատ չարձակելու փաստական և իրավական պատճառների մասին։ Ադրբեջանը նաև չի պատասխանել, թե ինչ քայլեր է ձեռնարկում, որ բռնի անհետացածների հարազատները տեղեկատվություն ստանան նրանց ճակատագրի մասին։ Հաղորդագրությունն հասանելի է հետևյալ հղումով. https://spcommreports.ohchr.org/Tmsearch/TMDocuments

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր