Հայկական մշակույթի փառատոնը Ցյուրիխում

29 օգոստոսի, 2011

Ս.թ. օգոստոսի 26-27-ին Հայաստանի Հանրապետության անկախության 20-ամյակին նվիրված տոնակատարությունների շարքում Շվեյցարիայի Ցյուրիխ քաղաքում անցկացվեց հայկական մշակույթի փառատոն, որը կազմակերպվել էր ՚Ցյուրիխի հայկական միությունՙ կազմակերպության կողմից` Շվեյցարիայում ՀՀ դեսպանության, ՀՀ մշակույթի և սփյուռքի նախարարությունների աջակցությամբ և հովանավորությամբ:

Փառատոնի ծրագրում ընդգրված էին Երևանի մնջախաղի պետական թատրոնի ներկայացումը, ՚Արմենոիդսՙ մոդեռն ֆոլկ երաժշտական խմբի համերգը, Շվեյցարիայում բնակվող նկարչուհի Ագնես Ավագյանի նկարների և Մերի Ուոթչերի ֆոտոցուցահանդեսները:

Ս.թ. օգոստոսի 26-ին միջոցառման բացմանը մասնակցեցին Շվեյցարիայում ՀՀ դեսպանության աշխատակիցներ, Ցյուրիխի հայ համայնքի ներկայացուցիչներ, ինչպես նաև բազմաթիվ օտարերկրացիներ: Ողջույնի խոսքով հանդես եկան ՀՀ դեսպանության խորհրդական Գ. Քոչարյանը և ՚Ցյուրիխի հայկական միությունՙ կազմակերպության ներկայացուցիչ, միջոցառման նախաձեռնող Ալինա Շթեհլի-Համբարձումյանը:

Այնուհետ ներկայացվեցին Երևանի մնջախաղի պետական թատրոնի ներկայացումները, որին հաջորդեց ընդունելություն:

Ս.թ. օգոստոսի 27-ին կայացավ ՚Արմենոիդսՙ երաժշտական խմբի համերգը, որին մասնակցեցին ոչ միայն Ցյուրիխ քաղաքի, այլև հարակից կանտոնների հայազգի և օտարերկրյա հանդիսատեսներ:

Հայաստանի Հանրապետության անկախության 20-ամյակի կապակցությամբ Շվեյցարիայում միջոցառումներ են նախատեսված նաև Ժնևում, Բեռնում և Աարաու կանտոնի Օբերենթֆելդըն քաղաքում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր