Երևանի ֆիզիկայի ինստիտուտի տնօրեն այցը CERN

18 օգոստոսի, 2011

Ս.թ. օգոստոսի 18-ին կայացավ Երևանի ֆիզիկայի ինստիտուտի տնօրեն պրն Աշոտ Չիլինգարյանի այցը Միջուկային հետազոտությունների Եվրոպական կազմակերպություն /CERN/:
Այցի ընթացքում կայացան հանդիպումներ CERN արտաքին հարաբերությունների, տեխնոլոգիայի, տեղեկատվական տեխնոլոգիաների, ճառագայթների դեպարտամենտների ղեկավարների հետ, քննարկվեցին համագործակցության զարգացման ասպարեզներ: Ընդունող կողմը բարձր գնահատեց ՀՀ գիտական ներդրումը CERN հետազոտություններում, նշվեց հայ ֆիզիկոսների բարձր որակավորումը:

Ա. Չիլինգարյանը այցելեց CERN վերահսկման կենտրոնը, Խոշոր Հադրոն Կոլայդերի LHC գերհաղորդիչների մագնեթների փորձարկման սրահը, CMS փորձարկման սրահը, ծանոթացավ միկրոմասնիկների դետեկտոր ATLAS-ի աշխատանքին, մատերիայի ֆիզիկայի հետազոտության /ALICE/ փորձին:

CERN արտաքին հարաբերությունների դեպարտամենտի ղեկավար պրոֆեսոր Պաուսը հանդիպման ժամանակ նշեց, որ պետք է ստեղծել հնարավորություն ՀՀ գիտնականների համար նշված ասպարեզում ակադեմիական աշխատություններ նախապատրաստելիս որոշակի ժամանակաշրջան CERN-ում անցկացնելու և ընթացող հետազոտություններին մասնակցելու համար: Այս կապակցությամբ նշվեց համապատասխան ֆինանսավորման տրամադրման հնարավորությունը:
Այցի ընթացքում կայացավ հանդիպում CERN-ում աշխատող հայազգի գիտնականների հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր