Հայաստանի մասնակցությունը Ժնևի Գրքի և մամուլի միջազգային 26-րդ ցուցահանդեսին

29 ապրիլի, 2011

Ս.թ. ապրիլի 25-29-ը Ժնևում տեղի ունեցավ Գրքի և մամուլի միջազգային 26-րդ ցուցահանդեսը (Salon du livre), որին ավանդաբար ներկայացված էր նաև Հայաստանը: Ցուցահանդեսին Հայաստանի մասնակցությունն ապահովվել էր Շվեյացարիայում գործող հայկական ընկերությունների և հիմնադրամների հովանավորությամբ:

Այս տարի ևս, ինչպես և նախորդ տարիներին, Հայաստանի տաղավարի հանդեպ հետաքրքրությունը մեծ էր` պայմանավորված ներկայացված գրքերի բազմազանությամբ, ինչպես նաև ծրագրում բազմաբնույթ ատենախոսությունների ներառման հանգամանքով:

Հայաստանի տաղավարում ցուցադրված էին Հայաստանում և արտերկրներում տպագրված հայալեզու և օտարալեզու բարձրորակ հրատարակություններ` Հայաստանի և հայ ժողովրդի վերաբերյալ պատմական և արդիական թեմաներով, ինչպես նաև Արցախի, Ջուղայի, Հայոց ցեղասպանության վերաբերյալ:

Կազմակերպված ատենախոսությունները ընդգրկում էին հայոց պատմությանը, հայկական մշակույթին, արվեստին, ճարտարապետությանը, հայոց լեզվին և ինքնությանը, հայկական Սփյուռքին և Լեռնային Ղարաբաղին վերաբերող թեմաներ:

Առանձնակի հետաքրքրությունն էր վայելում Երևանի` UNESCO-ի կողմից գրքի համաշխարհային մայրաքաղաք հռչակման թեմայով ցուցադրումները և ատենախոսությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր