Բիզնես վեբինար` «Հայաստան 2024. Տնտեսական ոլորտում նոր զարգացումներ, բիզնես հնարավորություններ»

15 փետրվարի, 2024

Ս․թ․ փետրվարի 15-ին տեղի ունեցավ Շվեյցարիա-Արևելյան Եվրոպա, Կենտրոնական Ասիա, Հարավային Կովկաս առևտրի համատեղ պալատի կողմից կազմակերպված` «Հայաստան 2024. Տնտեսական ոլորտում նոր զարգացումներ, բիզնես հնարավորություններ» խորագրով բիզնես վեբինարը, որին ողջույնի խոսքով հանդես եկան Շվեյցարիայում ՀՀ դեսպան Անդրանիկ Հովհաննիսյանը և Հայաստանում Շվեյցարիայի դեսպան Լուկաս Ռոզենկրանցը։

Վեբինարը կազմակերպվել էր «Switzerland Global Enterprise» ընկերության հետ համատեղ՝ նպատակ ունենալով շվեյցարական ընկերություններին թարմացված տեղեկություններ տրամադրել Հայաստանում բիզնես հնարավորությունների մասին, մասնավորապես՝ ենթակառուցվածքների ոլորտում:

Միջոցառմանը պրեզենտացիաներով հանդես եկան «Էնթերփրայզ Արմենիայի» ներդրումների գծով տնօրեն Արամ Վարդանյանը և Հայաստանի ներդրումային խորհրդի ղեկավար Հովսեփ Պատվականյանը, որոնք ներկայացրեցին Հայաստանի բիզնես միջավայրը, ներդրումային հնարավորություններն ու ծրագրերը։

Վեբինարին մասնակցեցին նաև Հայաստան-Շվեյցարիա առևտրային պալատի նախագահ Մայք Բարոնյանը, մի շարք շվեյցարացի գործարարներ և բիզնես կազմակերպությունների ներկայացուցիչներ։

Միջոցառման ընթացքում տեղեկատվություն տրամադրվեց նաև 2024թ․ մայիսի 14-ից 16-ը Երևանում կայանալիք Վերակառուցման և զարգացման եվրոպական բանկի (EBRD) տարեկան հանդիպման կապակցությամբ Հայաստան նախատեսվելիք Շվեյցարիայի բիզնես առաքելության և նույն ժամանակահատվածում Հայաստանում անցկացվելիք «Շվեյցարիայի օրերի» մասին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր