«Ծանոթություն Հայաստանի հետ» միջոցառում Ժնևի ՄԱԿ-ի գրասենյակում

23 հոկտեմբերի, 2023

Ժնևի ՄԱԿ-ի գրասենյակում ՀՀ Մշտական ներկայացուցչությունը հյուրընկալեց Ժնևի ՄԱԿ-ի կանանց ընկերակցության ավանդական «Առավոտը սուրճի գավաթի շուրջ» միջոցառումը։ Այն կրում էր «Ծանոթություն Հայաստանի հետ» խորագիրը։ Միջոցառման շրջանակներում ՀՀ Մշտական ներկայացուցիչ Անդրանիկ Հովհաննիսյանը հանդես եկավ բացման խոսքով։ Նրա կինը՝ Մարինա Հովհաննիսյանը, ներկայացրեց Հայաստանը, նրա հարուստ պատմությունը, մշակույթն ու արվեստը։ Ժնևի համալսարանի պրոֆեսոր Վալենտինա Կալզոլարին, ցուցադրելով մի շարք պատկերներ, անդրադարձավ Հայոց պատմության հիմնական դրվագներին՝ հնուց մինչև մեր օրերը, ներկայացրեց հայկական քաղաքակրթության առանձնահատկությունները, ճարտարապետության ու մանրանկարչության գլուխգործոցները։ Ներկաները նաև հնարավորություն ունեցան ունկնդրելու հայկական կենդանի երաժշտություն, մասնավորապես, դուդուկի կատարմամբ։ Միջոցառման մասնակիցները համտեսեցին հայկական ուտեստներ և գինի։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր