ՄԱԿ Մարդու իրավունքների խորհրդի 52-րդ նստաշրջանի օրակարգի 2-րդ կետի ընդհանուր քննարկման ընթացքում ԵՄ հայտարարություն

07 մարտի, 2023

Ս. թ. մարտի 7-ին ՄԱԿ Մարդու իրավունքների խորհրդի (ՄԻԽ) 52-րդ նստաշրջանի օրակարգի 2-րդ կետի ընդհանուր քննարկման ընթացքում ԵՄ-ն հանդես եկավ հայտարարությամբ, որում անդրադարձ կատարեց նաև Լաչինի միջանցքին։

Հայտարարությունում նշվում է, որ «ԵՄ-ն շարունակում է մտահոգված մնալ, որ Լաչինի միջանցքով ազատ տեղաշարժի շարունակական խաթարումն ազդում է Լեռնային Ղարաբաղում մարդու իրավունքների, ներառյալ՝ առողջության, կրթության և սննդի իրավունքների վրա: ԵՄ-ն կոչ է անում Ադրբեջանի իշխանություններին և բոլոր պատասխանատուներին երաշխավորել միջանցքի երկայնքով տեղաշարժի ազատությունն ու անվտանգությունը՝ համաձայն 2020 թվականի նոյեմբերի 9-ի եռակողմ հայտարարության։ ԵՄ-ն կոչ է անում կատարել Արդարադատության միջազգային դատարանի ս. թ. փետրվարի 22-ի որոշումը։ ԵՄ-ն կոչ է անում Ադրբեջանին և Հայաստանին շարունակել երկխոսությունը՝ ներառյալ երկրների ղեկավարների մակարդակով։ ԵՄ-ն ակնկալում է Եվրոպական խորհրդի նախագահի միջնորդությամբ խաղաղության գործընթացի շարունակությունը»։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր