Նորարարությունները և տեղեկատվահենք լուծումները որպես գենդերային դեմ պայքարի միջոց: Հայաստանի, Արգենտինայի, Կիպրոսի և Ֆինլանդիայի մշտական ներկայացուցչությունների կողմից կազմակերպված պանելային քննարկում

05 դեկտեմբերի, 2022

2022թ-ի դեկտեմբերի 2-ին ՄԱԿ Ժնևի գրասնեյակում և այլ միջազգային կազմակերպություններում Հայաստանի, Արգենտինայի, Կիպրոսի և Ֆինդանդիայի մշտական ներկայացուցչությունները կազմակերպել էին հարակից միջոցառում՝ նվիրված գենդերային բռնության դեմ պայքարում նորարարությունների և տեղեկատվահենք արձագանքների դերին: Պանելային քննարկմամը մեկտեղել էր ՄԱԿ անդամ պետությունների, ՄԱԿ գործակալությունների, Մարդու իրավունքների խորհրդի հատուկ ընթացակարգերի, քաղաքացիական հասարակության և ակադեմիական շրջանակների ներկայացուցիչների: Հիմնական բանախոսների թվում էին ՄԱԿ Կանանց և աղջիկների նկատմամբ բռնության, դրա պատճառների և հետևանքների հարցերով հատուկ զեկուցող Ռիմ Ալսալեմը, ՄԱԿ Բնակչության հիմնադրամի ժնևյան գրասենյակի ղեկավար Մոնիկա Ֆերոն, ՄԱԿ Գենդերային հավասարության և կանանց հզորացման հարցերով մարմին (UN Women) ժնևյան գրասենյակի ղեկավար Ադրիանա Կվինոնեսը, ինչպես նաև Ժնևի կիրառական գիտությունների համալսարանի պրոֆեսոր Աննա Լավանշին: Բացման խոսքով հանդես եկան Հայաստանի, Ֆինլյանդիայի և Արգենտինայի փոխդեսպանները:

Միջոցառումն անցկացվում էր գենդերային բռնության դեմ պայքարի 16-օրյակի շրջանակներում:

Որպես հիմնական զեկուցող հանդես եկավ հայաստանյան SafeYOU Impact Innovation Institute կազմակերպության ղեկավար Մարիամ Թորոսյանը, որը ներկայացրեց SafeYOU հավելվածը՝ որպես կանանց նկատմամբ բռնության դեմ պայքարում նորարարությունների կիրառման հաջողված փորձ, որը լայն տարածում է գտնում Հայաստանի սահմաններից դուրս:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր