Ժնևում բացվել է «Արմենիա» հրապարակ

07 մայիսի, 2022

Ս.թ. մայիսի 7-ին Շվեյցարիայի Ժնևի շրջանի Թրուանե համայնքում, հայ առաքելական Սուրբ Հակոբ եկեղեցու և Հայկական կենտրոնի հարևանությամբ կատարվեց «Արմենիա» հրապարակի բացման հանդիսավոր արարողությունը։ Միջոցառման ժամանակ ելույթով հանդես եկան Շվեյցարիայում Հայաստանի դեսպան Անդրանիկ Հովհաննիսյանը, Թրուանեի քաղաքապետ Գի Լավորելը, «Սուրբ Գրիգոր Լուսավորիչ» հիմնադրամի նախագահ Դանիել Փափազյանը։ Դեսպան Հովհաննիսյանը, մասնավորապես, շնորհակալություն հայտնեց Թրուանեի քաղաքապետին ու քաղաքային խորհրդի անդամներին, ինչպես նաև հայ համայնքի այն ներկայացուցիչներին, որոնց ջանքերի շնորհիվ բացվեց «Արմենիա» հրապարակը։ (Շվեյցարիայում Հայաստանի դեսպանի ելույթի ամբողջական տեքստը hասանելի է հետևյալ հղումով https://switzerland.mfa.am/en/news/2022/05/07/armenia-square-was-opened-during-the-birth-period/10176):

Միջոցառմանը մասնակցում էին Ժնևի ու Թրուանեի շրջանային և քաղաքային խորհուրդների պատգամավորներ, քաղաքական ու հասարակական գործիչներ, հայ համայնքի ներկայացուցիչներ։

Շվեյցարական հեռուստատեսությունը լուսաբանել է «Արմենիա» հրապարակի բացումը. https://www.lemanbleu.ch/fr/Actualites/Geneve/2022050795247-a-Troinex-la-place-d-Armenie-voit-le-jour.html

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր